தமிழ்நாட்டின் பாரம்பரியச் சித்த மருத்துவ முறைகளையும், நமது முன்னோர்களின் அசாத்தியமான வேதியியல் மற்றும் மருத்துவ அறிவியலையும் பறைசாற்றும் ஒரு உன்னதமான வரலாற்று ஆவணப் பதிவு இது. மதுரை பதிப்பாக 1950-களில் வெளியான 'வைத்தியக் கல்லாடம்' என்ற நூலில் இடம்பெற்றுள்ள "தாமிரக்குருச் செந்தூரம்" குறித்த செய்யுள் வரிகளையும், இரசம், கெந்தகம், தாமிர பாஷாணம் போன்ற 14 வகையான அரிய வேதிச் சரக்குகளின் பரிபாஷை விளக்கங்களையும் இக்கட்டுரை துல்லியமாக விவரிக்கிறது. அத்துடன், சித்த மருத்துவ முறைப்படியான மருந்து செய்முறை மற்றும் பல்வேறு நாள்பட்ட பிணிகளுக்கான பத்திய முறைகளையும் உள்ளடக்கிய இப்பதிவு, தமிழர்களின் மருத்துவ ஆவணப் பரப்பில் மிக முக்கியமானது. கால ஓட்டத்தில் மறைந்து போகக்கூடிய இத்தகைய அரிய பழங்காலச் சித்த மருத்துவ ஏடுகளின் தரவுகளை இன்றைய இணையத் தலைமுறையினர் படித்து நமது பாரம்பரிய மருத்துவ மேன்மையை உணரும் நோக்கோடும், கல்வி மற்றும் வரலாற்று ஆவணப் பணிக்காகவும் இங்கு தட்டச்சு செய்து மறுபதிப்பு செய்துள்ளேன்.
கண்ணோய்க்கு மருந்து (அண்டச் செயநீர்)
'வைத்தியக் கல்லாடம்' (1955/1959, மதுரை பதிப்பு) நூலின் 14-ஆம் பக்கத்தில் இடம்பெற்றுள்ள "கண்ணோய்க்கு மருந்து"
மதிபிறந்த மொழிதனிலக் கினியைத்தள்ளவசமான அண்டமா மதையவித்துக்கதிபெறவே மஞ்சளுட கருவைநீக்கிக்கற்கண்டை வெண்கருவிற் றானுஞ்சேர்த்துவிதியுடனே குறடதனாற் றணலில்வாட்டவேண்டியநற் புனல்வரும்நீ யதையெடுத்துஅதிவிரைவாய்க் கண்ணிலிடக் கண்ணோய்தீரும்அறிந்துகொள்வாய் கல்லாட மகிமைதானே.
- 'மதிபிறந்த' மொழியில் 'தி' தள்ள: 'மதி' என்ற சொல்லில் 'தி' என்ற எழுத்தை நீக்கினால் 'ம' என்று இருக்கும். 'ம' என்றால் சந்திரன் என்று பொருள்.
- அண்டம்: சந்திரனுக்குரிய தானம் ஆகாயமாக இருப்பதால், அதற்கு 'அண்டம்' என்று பெயராயிற்று. மருத்துவப் பரிபாஷையில் இங்கு அண்டம் என்பது கோழிமுட்டை ஆகும்.
- ஒரு புதிய கோழிமுட்டையை நன்றாக அவித்து (வேகவைத்து) எடுத்துக் கொள்ள வேண்டும்.
- அவித்த முட்டையின் ஓட்டை நீக்கி, அதனுள் இருக்கும் மஞ்சள் கருவைச் சற்றும் சேதமின்றித் தனியாக எடுத்து நீக்கிவிட வேண்டும்.
- மஞ்சள் கரு இருந்த அந்த வெற்றுப் பள்ளத்தில் (வெள்ளைக்கருவின் நடுவில்), தூளாக்கப்பட்ட வெள்ளைக் கற்கண்டைப் பூரணமாக நிரப்ப வேண்டும்.
- பின்னர், வெள்ளைக்கருவை நூல் கொண்டு நன்றாகச் சுற்றி இறுக்கக் கட்ட வேண்டும்.
- ஒரு இரும்புக் குறடால் (Plier/Tongs) அந்த முட்டையைப் பிடித்துக்கொண்டு, கறிகொதிக்கும் தணல் நெருப்பில் இலேசாகக் காட்டி வாட்ட வேண்டும்.
- நெருப்பின் வெப்பத்தால் கற்கண்டு உருகி, முட்டையின் வெள்ளைக்கருவோடு சேர்ந்து உருகிய தெளிவான நீர் உதிர்ந்து வரும். அந்தச் செயநீரை (புனல்) ஒரு சுத்தமான கண்ணாடிச் சீசாவில் சேகரித்துப் பத்திரப்படுத்த வேண்டும்.
- பயன்படுத்தும் முறை: சேகரித்த அண்டச் செயநீரைச் சிறு துளியாகக் கண்களில் சொட்டு மருந்தாக இட வேண்டும்.
- அளவு: ஒரு நாளைக்கு ஆறு வேளை வீதம், தொடர்ந்து மூன்று நாட்கள் (மொத்தம் 18 வேளை) கண்களில் இட்டு வர வேண்டும்.
- தீரும் நோய்கள்:
- கண்களில் ஏற்படும் கடுமையான உறுத்தல், கண் வீக்கம் குணமாகும்.
- தாங்க முடியாத கண்சிவப்பு (மெட்ராஸ் ஐ போன்ற கண் நோய்கள்) மாறிப்போகும்.
- கண்ணில் தசை வளர்வது (சதை பெருகுதல்), கண்களில் இருந்து தொடர்ந்து நீர் வடிதல் (நீர் சொறிதல்) குணமாகும்.
- கண்ணில் ஏற்படும் கடுமையான எரிச்சல் மற்றும் விஷக்கடிகள் நீங்கி, சகலவிதமான கண்ணோய்களும் முற்றிலும் தீரும்.
.jpg)